Wednesday, August 9, 2017

மழை எப்படி வருகிறது ! - பெரியவா :

மழை  எப்படி  வருகிறது ! - பெரியவா :

படம் இதைக் கொண்டிருக்கலாம்: 1 நபர்

           தேவலோகத்தில்   வயல்  கிடையாது. தேவர்களுக்கு  சாப்பாட்டுக்கு  வழியில்லை. 
"  துர்பிக்ஷம்   தேவலோகேஷு   மநூநாம்   உதகம்  க்ருஹே "  என்று  வேதத்திலேயே  சொல்லியிருக்கிறது. மேல்மட்டத்தில்  இருக்கிற  மேகங்கள், மழையாக   பூமியில்  பெய்து,  பூலோகத்தில் தான்  ஜலம்,  ஆறு ,  ஏரி,  கிணறு  என்று  எடுத்துப்   பிரயோஜனப்படுத்திக்கொள்ளும்படி  இருக்கிறது.

          உதகம் ( ஜலம் )  நம்  லோகத்து  மனுஷனின்  கிருஹத்தில்   தான்  உண்டு.  ஜலத்தை  கொண்டு  பயிர்  பண்ணி  சுபிக்ஷம்  அடைவது  பூலோகத்தில் தான்.  வயல்  இல்லாத  தேவலோகத்தில்  துர்பிக்ஷம்தான் .  இப்படி  அந்த  வேதவாக்கியம்  சொல்கிறது.  ஆனால்   மேலே  இருக்கிற  மேகம்  நமக்கு   ஜலம்   வரவேண்டுமானால்,  அது  தேவர்களின்  அனுகிரஹத்திலேயே    நடக்கும்.

           நாம்  யக்ஞம்   செய்தால் தான்  அவர்கள்  அந்த  அனுகிரஹத்தை  பண்ணுவார்கள். இல்லாவிட்டால்  மழை  பெய்யாது.  பஞ்சம் தான்  வரும்.  பூமியில்  பெய்யாமல்  சமுத்திரத்திலேயே  எல்லா  மழையும்  பெய்துவிடும். அல்லது  பயிரெல்லாம்  அழுகி  அடித்துக்கொண்டு  போகும்படி  பேய்மழையாகப்   பெய்யும்.  

           ஒன்று -  அளவுக்கு  மீறி  பெய்து  வெள்ளத்தில்  பயிர்  நாசமாவது.  இன்னொன்று - மழையே  பெய்யாமல்    பஞ்சம்  ஏற்படுவது.  இந்த  இரண்டும்  ஏற்படாமல்   சுபிட்சத்துக்கு  உரிய   மழையை   அளவாக  அனுப்பி   வைக்கிற  சக்தி   தேவலோக  வாசிகளுக்கு  மட்டுமே  இருக்கிறது.

                                                   -  மஹாபெரியவா 

நன்றி :  காஞ்சி   மகானின்   கருணைக்  கடலில்.


             நண்பர்களே !  மஹா  பெரியவாவின்   வார்த்தைக்கு   இணங்க ......அளவோடு,  சுபிக்ஷமான  மழை   பெய்ய  யாரேனும்  ஒருவராவது, .............எனது  வேலை  இந்த  ஹோமங்களை  மிகவும்  சத்தியமாக , நியதியோடு,  அணுவளவும்  பிசகாமல்  செய்தல் என   வாழ்ந்தால் .........ஒன்று  அரசாங்கம்  ஆதரிக்க  வேண்டும்  அல்லது   நாம்  வாழும்  சமுதாயம்  ஆதரித்தல்   வேண்டும்.  சமுதாயத்தில்  வாழும்  நம்  ஒவ்வொருவரின்  கடமையும்  கூட ............நம்  எல்லோருக்காகவும் ,  தாவர ,  விலங்கு , பறவைகளின்  நன்மைக்காக  இதுவே  கடமையாக  எடுத்துக்கொண்டு   ஹோமம்  செய்தால் .........அவருக்கு  ஹோமத்திற்கு  தேவையானதை  சுற்றியுள்ள  சமுதாயம்  அளித்தால் ..................மஹா  புண்ணியம்  அதுவே !  

படம் இதைக் கொண்டிருக்கலாம்: 3 பேர்

         அப்புண்ணியத்தில்   பங்கு  பெற  நீங்கள்  விரும்பினால் ........அதிகம்  வேண்டாம் ! ( இதுவும்  பெரியவா  சொல்லியது -  ஒருவரிடமிருந்தே  பெறவேண்டாம்,  ஒரு  ஊரில்  ஒருவரே  பங்குபெற்று  புண்ணியம்  பெறுவதைவிட ........ரூ 1/-   என  வீடுதோறும்  வேதபாட சாலைக்கு......  பெற்றுவருமாறு பெரியவா  காலத்தில்  பெற்றுள்ளனர்.  அவ்வழியிலேயே  நாமும்    மாதம்   தோறும்  ரூ. 100/-  மட்டும்  கீழ்கண்ட  BANK A /C  அனுப்பினால்   ஒவ்வொரு   சனிக்கிழமை  தோறும்  வருண சூக்தம்   மற்றும்   வருண  மந்திரங்களுடன்  ஹோமம்  செய்யப்படும். 

( ஸ்ரீ  வித்யா  உபாசகர்  தமது  பெயரை  வெளியிட  விரும்பவில்லை - எவ்வித  அடையாளமும்  இன்றி,  தமது  கடமையாக, எவ்வித  எதிர்பார்ப்பும்  இன்றி   உபாஸனையை  தொடர்கிறவர் ...............எனவே  இங்கு அவர்  பெயர்  தவிர்க்கப்பட்டுள்ளது )

           Youtube -ல்   நேரடியாகவும்  காணலாம்.  அல்லது  பதிவேற்றத்தை  கண்டு  மகிழலாம்.  கணக்குகள்  வருடத்திற்கு  ஒருமுறை  இங்கேயே  பதிவிடப்படும். மீதம்  இருப்பின்  அவை  அனைத்தும்  அறச்செயல்களுக்கே  செலவிடப்படும்.  ஏனெனில்   ஹோமம்  செய்பவர்  எப்போதும்  மஹா  பெரியவா  தன்னை  கண்காணித்துக்கொண்டே  இருப்பதாக  உணர்பவர். அவரின்  அனுபவங்களும்  
அவ்விதமே !

           பங்கு கொள்ள  விரும்பினால்  எமது  முகவரிக்கு  வரலாம். வீட்டிலேயே  பூஜைகளும்,  ஹோமங்களும்  நிகழ்ந்துகொண்டு  இருக்கிறது.
வெள்ளிதோறும்  ஸ்ரீ  சக்ர   மஹா   மேரு   பூஜையும்  நடைபெறுகின்றது.  விரும்பினால்  கலந்துகொள்ளலாம்.  முன்கூட்டியே  தெரிவித்தால்  உணவு  மற்றும்  தங்குமிடம்  ஏற்பாடு  செய்ய  எங்களுக்கு  எளிதாகும்.

  சரி ,   யக்ஞம்   செய்பவரின்   தகுதி   அறியவேண்டுமே ?  என்பாருக்கு ....................
ஸ்ரீ  வித்யா  உபாசனையாளர் ....... ஆயிரக்கணக்கான   யக்ஞங்கள்  செய்தவர்.  தினசரி  சந்தியாவந்தனமும்,  ஸஹஸ்ர  காயத்ரியும்  செய்பவர்,
இதுபோக  யந்திர  பூஜைகளும்,  சிவ   சாளக்ராம  பூஜைகளும்  செய்பவர்..................









படம் இதைக் கொண்டிருக்கலாம்: நெருப்பு மற்றும் இரவு

            இவை   வற்புறுத்தல்  அல்ல !  யாரேனும்  ஒருவர்  தமது  கடமை  - ஸ்ரீ  வித்யா  உபாசனையே -   யக்ஞம்   செய்தலே  ...... அதற்கே  இந்த  வாழ்க்கை  என  வாழ்வோருக்கு,  சமுதாயத்தின்  பொருட்டு  இந்த  பூஜைகளும், ஜபமும் ,   யக்ஞம்  என  இருப்போரை   ஆதரித்தல்,
 நமது  கடமை  என  உள்ளுணர்வு  தூண்டுவோர்  இந்த  புண்ணிய  காரியத்தில்    பங்கு  கொள்ளலாம்.



BANK A/C   No. 205001001909783
IFSC   CODE - CIUB 0000205

             மஹா  மேருவிற்கு  லலிதாசஹஸ்ரநாம  குங்கும  அர்ச்சனை  செய்யப்படும். தங்களின்  குடும்ப  க்ஷேமத்திற்கு  விரும்புவர்கள்  தங்களின்  பெயர், கோத்ரம் , மேலும்  4 பெயர் - நக்ஷத்ரம் , உட்பட    அர்ச்சிக்க ( சொந்த  உபயோகத்திற்கு   அல்ல !  நண்பர்களே !  நலிந்த  வேதபாடசாலை , கோசாலை  சம்ரக்ஷணம்,  சுற்றியுள்ள  ஏழைக்குழந்தைகளின்  கல்வி, சமுதாயம்  சார்ந்த  அறச்செயல்கள்  மட்டுமே  செய்ய )  ரூ 100/- மட்டும்  மேற்கண்ட  account  - ல்   சேர்த்துவிட்டு,  கீழ்கண்ட  email   முகவரிக்கு  தெரியப்படுத்தவும்.

      svu15erode@gmail.com

தங்களுக்கு   தேவைப்படும்  ஹோமமும்  செய்து  தரப்படும். 
கீழ்கண்ட தொலைபேசி  மற்றும்  அலைபேசியில்  தொடர்பு  கொண்டு 
மூன்று  நாட்கள்  அல்லது  குறைந்தபட்சம்  2 நாட்களுக்கு  முன்பே   தெரியப்படுத்தினால், எங்களுக்கு  பொருட்களை  ஏற்பாடுசெய்துகொள்ள   வசதியாக  இருக்கும்.
நன்றி !  நண்பர்களே !  இப்போது   இன்னும்  பொறுப்பும்,  அக்கறையுடன்  செய்ய  வேண்டும்  என்ற  உணர்வு  கூடியுள்ளது.

Ph  No.  0424 - 2431045
mobile  no. 94437 69690.







 இவர்  சிரத்தையுடனும்,  உண்மையாகவும்  செய்வார்  என்ற  நம்பிக்கை  கொண்டோருக்கு மீண்டும்  நன்றி  நண்பர்களே !   
             

Monday, August 7, 2017

“ஒங்காத்ல கருந்துளஸி இருக்கோ?…..”

பெரியவா சரணம் !!


"" பெரியவாளை பத்தி கூடை கூடையா சொல்லுவேளே மன்னி ஒரு ஜாடை கூட காட்டலியே! என் கொழந்தையை கைவிட்டுட்டாரே ""
பெரியவாளுடைய அனுக்ரஹத்தை அனுபவிக்காதவர்களே கிடையாது!
ஜாதி, மதம், இனம், மொழி எதுவுமே, யாருக்குமே பெரியவாளிடம் வருவதற்கு ஒரு தடையாக இருந்ததில்லை.
ஒரு வைஷ்ணவ குடும்பம்பத்தை சேர்ந்தவர்கள் பெரியவாளிடம் மிகுந்த பக்தி பூண்டிருந்தார்கள். ஆனாலும், அவர்களுடைய ப்ராரப்தம், குடும்பத்தில் தொடர்ந்து ஒரே கஷ்டங்கள்.
அவர்களுக்குத் தெரிந்த ஒரு தீக்ஷதர் சொன்ன பரிஹாரத்தால், குத்துவிளக்கில் ஸரஸ்வதி, லக்ஷ்மி, பார்வதியை ஆவாஹனம் பண்ணி நித்யம் பூஜை பண்ணிக்கொண்டு வந்தாள் அந்த வீட்டு அம்மா.
ஒருநாள் ஒரு பரதேஸி, அவர்கள் வீட்டு முன்னால் வந்து நின்றபோது, அந்த அம்மா ஏதோ சில்லறை போட்டாள். அவன் அவளை மேலும் கீழும் பார்த்துவிட்டு,
“குத்துவெளக்கு பூஜையெல்லாம் உபயோகப்படாது…. ஒன்னோட காலுக்கு கீழே இருக்கற மூலிகை ஒங்கண்ணுக்கு தெரியலியே?” என்று சொல்லிவிட்டு போய்விட்டான்.
அந்த அம்மா அதிர்ந்து போனாள் ! “நான் பண்ற குத்துவிளக்கு பூஜை, இவனுக்கு எப்டி தெரிஞ்சுது?…..காலுக்கு கீழ மூலிகையா?…”
அந்தப் பரதேஸியோ, ஏதோ இவளிடம் மட்டும் பேச வந்தது போல், வேறு எந்த வீட்டிலும் யாஸிக்காமல் போய் விட்டான். ஒன்றும் புரிபடாமல் பெரியவாளிடம் வந்தாள்.
“ஆத்துல ரொம்ப கஷ்டம்…..குத்துவெளக்குல துர்க்கா, லக்ஷ்மி, ஸரஸ்வதியை ஆவாஹனம் பண்ணி, பூஜை பண்ணிண்டிருக்கேன் பெரியவா…..ரெண்டு நாள் முன்னாடி ஒரு பிச்சைக்காரனாட்டம் ஒத்தன் வந்தான். “குத்துவெளக்கு பூஜையெல்லாம் உபயோகப்படாது…. ஒன்னோட காலுக்கு கீழே இருக்கற மூலிகை ஒன் கண்ணுக்கு தெரியலியே?”ன்னு சொல்லிட்டுப் போய்ட்டான் பெரியவா…..எனக்கு ஒண்ணுமே புரியல….பெரியவாதான் வழி காட்டணும்”
“ஒங்காத்ல கருந்துளஸி இருக்கோ?…..”
“இல்லை பெரியவா! துளஸி வெச்சாலே எப்பிடியோ பட்டுப் போய்டும் ……”
“அதான்! அவன் சொன்ன மூலிகை! கருந்துளஸி வெச்சு பூஜை பண்ணு”
பெரியவாளே, கருந்துளஸி பூஜை பண்ணு என்றதால், மறுபடி கருந்துளஸி பூஜை பண்ண தொடங்கினாள்.

படம் இதைக் கொண்டிருக்கலாம்: ஒன்று அல்லது அதற்கு மேற்பட்ட நபர்கள்

ஆஸ்சர்யம்! கருந்துளஸி இப்போது கப்பும் கிளையுமா சின்ன ஆலமரம் மாதிரி வளர ஆரம்பித்தது. அது வளர வளர அவர்களுடைய துன்பங்களும் குறைய ஆரம்பித்தது.
கருந்துளஸி வருவது அபூர்வம். வந்ததை பூஜை பண்ணுவது மிகவும் ஸ்லாக்யம். பெரியவா வாக்கில் வந்த பூஜை இல்லையா?
அந்த வைஷ்ணவ பக்தையின் நாத்தனார் குழந்தைக்கு திடீரென்று கழுத்தில் பயங்கர வலி!
டாக்டர்களோ ‘நரம்புலதான் ப்ராப்ளம்! மேஜர் operation’ பண்ணித்தான் ஆகணும் !” என்று சொல்லிவிட்டார்கள் !
“நா….சொல்றதை கேளு! கொழந்தையை பெரியவாகிட்ட கூட்டிண்டு போ!……”
குழந்தையின் அம்மாவும், குழந்தையை கூட்டிக்கொண்டு முதல் முதலாக, தன் மன்னியின் நம்பிக்கைக்காக, காஞ்சிபுரம் ஓடினாள். இவர்கள் போன அன்று பெரியவா காஷ்ட மௌனம்! இவர்கள் சொன்னதை கேட்டுக் கொண்டாலும், ஒன்றும் பதில் சொல்லவில்லை! ஆனால், தன் கழுத்தை தடவிக்கொண்டே உள்ளே போய்விட்டார்.
பையனின் பெற்றோருக்கு ஒரே ஏமாற்றம்.
“பெரியவாளை பத்தி கூடை கூடையா சொல்லுவேளே மன்னி! ஒரு ஜாடை கூட காட்டலியே! என் கொழந்தையை கைவிட்டுட்டாரே! ஒங்க பெரியவா! ”
புலம்பினார்கள்.
மறுநாள் ஆபரேஷனுக்காக ஆஸ்பத்ரியில் அட்மிட் ஆவதற்காக கிளம்பும்போது, குழந்தை சொன்னான்……
“அம்மா! எனக்குத் தொண்டை என்னவோ மாதிரி பண்றது!…..”
பையன் சொன்னதை கேட்டதும் குடும்பமே கதி கலங்கியது. ஒரே வாந்தியான வாந்தி !
வீட்டின் பின்பக்கம் வாந்தி எடுத்துக் கொண்டிருந்த அந்தக் குழந்தையுடன் குடும்பமே நின்று கொண்டிருந்தது.
“டொடக்” ன்னு ஏதோ ஒன்று வாந்தியோடு வெளியே வந்து விழுந்தது!
என்னது?……ஒரு தேங்காய் ஓட்டின் சில்லும் சேர்ந்து வெளியே வந்தது.
அதன்பிறகு வாந்தியும் நின்றது!
“அம்மா! இப்போ செரியாப் போச்சும்மா!…”
குழந்தையின் சிரிப்பில் நிம்மதி அடைந்தனர். டாக்டரிடம் போனதும், பையனின் கழுத்தில் அழுத்தினார்.
” வலிக்கறதா?”
“இல்லை”
“x-ray ரிப்போர்ட்லயும் ஒண்ணுமில்லேன்னு வந்திருக்கு….அதுனால, operation தேவையில்லை”
“பெரியவா ஒரு ஜாடை கூட காட்டலியே?….கை விட்டுட்டாரே! ஒங்க பெரியவா…”
அன்று அப்படி அங்கலாய்த்தவர்கள்…..உடனே அந்த மஹா வைத்யநாதனை தர்ஶனம் பண்ண, குழந்தையோடு காஞ்சிபுரம் ஓடினார்கள்! பெரியவாளிடம் பக்தி பண்ணும் குடும்பங்களில் இன்னொரு குடும்பமும் சேர்ந்தது
இந்த ப்ரபஞ்சத்தில், சேதனமோ, அசேதனமோ எல்லாவற்றின் அசைவுகளும், பாதிப்பை [நல்லது, கெட்டது] உண்டாக்கும். ஸாதாரணமாக நாம் பேசுவது கூட இப்படித்தான்! அதனால்தான் அந்தக் காலங்களில், கண்ட வார்த்தைகளை சொல்லாமல், நல்லதையே பேசு என்பார்கள். வேத ஶப்தங்கள், பகவந்நாமம் மாதிரி, பெரியவாளின் ஒவ்வொரு அசைவும், அசைவின்மையும் ஆயிரமாயிரம் விஷயங்களை ப்ரபஞ்சத்தில் உண்டாக்கும்.
−−−−−−−−−−−−−−−−−−−−−−−−−−
பெரியவாள் வாழும் காலத்திலே நாமும் வழ்கிறோம் என்பதுதான் எத்தனை பெரிய பாக்யம் !
அவரைப் பார்ப்பதற்கும் அவரது அருள் வாக்கைக் கேட்பதற்கும் என்ன தவம் செய்தோமோ?
காமகோடி தரிசனம்
காணக்காணப் புண்ணியம்.

நன்றி : சிவ சங்கரன்.

இப்படி ஒரு ஞாபக சக்தியா? இப்படி ஓர் அனுக்கிரகமா?

"உன் பெண் கல்யாணத்தை நான் நடத்தி வைக்கிறேன்.."

படம் இதைக் கொண்டிருக்கலாம்: 1 நபர், கண்களுக்கான கண்ணாடிகள், தாடி மற்றும் குளோஸ் அப்

(இப்படி ஓர் அனுக்கிரகமா? கோடி ஜன்ம புண்ணியம்
இப்படித்தான் ஒன்று இரண்டு வரும் போலிருக்கிறது.)
சொன்னவர்-என்.ராமஸ்வாமி-செகந்தராபாத்.
தொகுத்தவர்-டி.எஸ்.கோதண்டராம சர்மா.
தட்டச்சு-வரகூரான் நாராயணன்.
தரிசனத்துக்காக இரண்டு மணி நேரம் காத்துக்
கிடந்தேன்.தரிசனம் கிடைக்கவில்லை. இனிமேலும்
தாமதித்தால் என்னுடைய அலுவலக வேலைகள்
(நான் இன்ஸ்பெக்‌ஷன் செய்வதற்காக அருகிலிருந்த
ஜங்ஷனுக்கு வந்திருந்தேன்) தடைபட்டுவிடும்
என்பதால், தொலைவிலிருந்தபடியே ஒரு கும்பிடு
போட்டுவிட்டு,என் அலுவலைப் பார்க்க சென்று விட்டேன்.
இரண்டு மணி நேரம் கழித்து, ஸ்ரீ மடத்துச் சிப்பந்தி
ஒருவர் ரயில்வே நிலையத்துக்கு வந்து,பெரியவாள்
அழைத்துக்கொண்டு வரும்படி சொல்லியனுப்பியதாகச்
சொன்னார்.
"பெரியவா சொன்னதை அப்படியே சொல்லுங்கோ"
"சதாரா ஸ்டேஷன்லே போய்ப் பார். இன்ஸ்பெக்‌ஷன்
பண்ணிண்டு இருப்பான் அந்த ராமஸ்வாமி.
வரச்சொல்லு என்றார்கள்."
பரபரப்புடன் வேலையை முடித்துக்கொண்டு தரிசனத்துக்கு
சென்றேன். மன்னிப்புக்கோரும் விதமாக, "பெரியவா ரொம்ப
பிஸியாக இருந்தீர்கள்.நான் ஆபீஸ் வேலையை முழுமையாக
முடிக்காமல் ஹெட் குவார்ட்டர்ஸ் போக முடியாது.என்னுடைய
மேலதிகாரி சத்தம் போடுவார்..." என்று ஆரம்பித்தேன்.
பெரியவா என் பதிலை சட்டை செய்ததாகவே தெரியவில்லை!
பட்டென்று," உனக்கு என்ன வேணும்?" என்றார்கள்.
அப்போது என் மனத்தில் ஒரே பிரச்னை தான் இருந்தது -
என் மகள் கல்யாணம்.
"என் பெண்ணுக்கு நல்ல இடத்திலே கல்யாணம் ஆகணும்.அப்பா
ரொம்ப தொந்தரவு பண்றார். அவரும் பல பேர்களுக்கு ஜாதகம்
அனுப்பி, வரன் ஜாதகம் கேட்கிறார்.ரொம்ப பேர் பதில் போடுவதே
இல்லை. வந்த ஜாதகங்கள் பொருத்தமாக இல்லை.."
"அவ்வளவு தானே?... சரி, போ, உன் பெண் கல்யாணத்தை நான்
நடத்தி வைக்கிறேன்.."
இந்த தெளிவான பதில் என்னை அதிர்ந்து போகச் செய்தது.
"நான் நடத்தி வைக்கிறேன்..."
என்மேல் பனிமழை பொழிந்தாற் போலிருந்தது. எதிர்பாராத
இன்பத் தாக்குதலை அனுபவித்தவர்களுக்குத் தான் என்
நிலைமையைப் புரிந்து கொள்ள முடியும். உடனே சற்றும்
யோசிக்காமல் மகா பாமரத்தனமாக,"சத்தியமாச் சொல்றேளா?"
என்று கேட்டு விட்டேன்.
சத்திய ஸ்வரூபத்திடம் இப்படி ஒரு கேள்வி!
(இப்போது நினைத்தாலும் என் உடம்பு நடுங்குகிறது)
கருணை வள்ளல் மெல்லச் சிரித்தது. அவ்வளவே. இந்த
நிகழ்ச்சி அப்போது என் மனத்தில் ஆழமாகப் பதியவேயில்லை.
நான் ஊருக்குப் போய் என் வேலையில் மூழ்கிவிட்டேன்.
இரண்டு மாதத்துக்குப் பிறகு, மும்பையிலிருந்து ஒரு கடிதம்
வந்தது. என் அப்பா எப்போதோ எழுதிய கடிதத்துக்குப் பதில் -
வரன் ஜாதகத்துடன்.
ஜாதகங்கள் பொருந்தி இருந்தன. மற்ற நடைமுறைகள்
நடந்து கல்யாணமும் நடந்து விட்டது.
இரண்டு வருஷங்களுக்கு மேல் இடைவெளி.
கர்னூலில் ஸ்ரீமடம் முகாம்.
நான், என் பெண், பெண்ணின் குழந்தை - பெரியவா
தரிசனத்துக்குச் சென்றோம்.
பெரியவா காலடியில், அருட்பார்வையில் குழந்தையைப்
போட்டு விட்டு, பெரியவாளின் விசாரணைகளுக்குப் பதில்
சொல்லிக் கொண்டிருந்தோம்.(குழந்தை அதற்குள்
அப்படியே தூங்கிவிட்டது.)
பெரியவா பிரசாதம் கொடுத்ததும் நான், என் பெண்ணுடன்
புறப்பட்டு நாலைந்து தப்படி வைத்து விட்டேன்.
பெரியவா விரலைச் சொடுக்கி கூப்பிட்ட மாதிரி இருந்தது.
திரும்பினோம்.
"இந்த கொழந்தையை மடத்திலே வெச்சுண்டு, நான் எப்படி
சம்ரட்சிக்கிறது? எடுத்துண்டு போ!"
எங்களுக்கு மகா வெட்கம்.பெரியவா தரிசன பேரானந்தத்தில்
குழந்தையை மறந்து விட்டோம்.
என் பெண் ஓடிச்சென்று குழந்தையை எடுத்துக் கொண்டாள்.
அப்போது பெரியவா அருகிலிருந்த ஸ்ரீகண்டன் என்ற
தொண்டரிடம், "ராமஸ்வாமிக்கு திருப்தியான்னு கேளு"
என்றார்கள்.

படம் இதைக் கொண்டிருக்கலாம்: ஒன்று அல்லது அதற்கு மேற்பட்ட நபர்கள்


எனக்குப் புரியவில்லை.இப்போது அப்படி ஒரு கேள்வி
எதற்கு? நாங்கள் சந்தோஷமாகத்தானே புறப்பட்டுக்
கொண்டிருக்கிறோம்?
பதில் சொல்ல முடியவில்லை.
"அவன் பெண்ணோட பேரென்னன்னு கேளு"-பெரியவா
"உமா" என்றேன்.
மாப்பிள்ளை பேரு?" -பெரியவா
"சதாசிவன்"...நான்
"சரிதானே?..என்னைக் குத்தம் சொல்லக் கூடாது?
பெயர் பொருத்தம் பார்த்துத்தான் கல்யாணம் செய்து
வெச்சுருக்கேன்!.."
என் கண்களில் பொல பொலவென்று நீர் வழிந்தது.
இப்படி ஒரு ஞாபக சக்தியா? இப்படி ஓர் அனுக்கிரகமா?
கோடி ஜன்ம புண்ணியம் இப்படித்தான் ஒன்று இரண்டு
வரும் போலிருக்கிறது

நன்றி :  மஹா  பெரியவா  முகநூல்  பக்கம்.

Sunday, August 6, 2017

கோயில்களுக்கு செல்ல குழந்தைகளை கண்டிப்பாக பழக்குங்கள்.

கோயில்களுக்கு செல்ல குழந்தைகளை கண்டிப்பாக பழக்குங்கள்: 


இறை என்று சொன்னால் கேட்கவில்லை என்றால் அறிவியலை கூறுங்கள் :

1. பூமியின் காந்த அலைகள் அதிகம் வீசப்படும் இடங்களில்தான் கோயில்கள் இருக்கும்.

2. சக்தியும், பாஸிட்டிவ் எனர்ஜியும் அதிகம் கொண்டிருக்கும், இது நார்த் போல் சவுத் போல் திரஸ்ட் வகை ஆகும்.

3. கர்ப்பகிரகம் அல்லது மூலஸ்தானம் என்று அழைக்கப்படும் மூலவர் சிலைதான் இந்த மையப்பகுதியில் வீற்றீருக்கும்.

4. இந்த இடம்தான் அந்த சுற்று வட்டாரத்திலேயே காந்த மற்றும் பாஸிட்டிவ் எனர்ஜி அதிகம் காணப்படும் இடம் ஆகும்.

5. இந்த மெயின் கர்ப்பகிரகத்தின் கீழே சில செப்பு தகடுகள் பதிக்கபட்டிருக்கும் அது தான் கீழே இருக்கும் அந்த எனர்ஜியை அப்படி பன்மடங்காக்கி வெளிக் கொணரும்.

6. அதுபோக எல்லா மூலஸ்தானமும் மூன்று சைடு மூடி வாசல் மட்டும் தான் திறந்து இருக்கும் அளவுக்கு கதவுகள் இருக்கும். இது அந்த எனர்ஜியை லீக் செய்யாமல் ஒரு வழியாக அதுவும் வாசலில் இடது மற்றும் வலது புறத்தில் இருந்து இறைவனை வணங்கும் ஆட்களுக்கு இந்த எனர்ஜி கிடைக்க செய்யப்பட்டது ஆகும் ..

Image result for 1000 years old temple in tamilnadu

7. கோயிலின் பிரகாரத்தை இடமிருந்து வலமாய் சுற்றி வர காரணம் எனர்ஜியின் சுற்று பாதை இது தான் அதனால் தான் மூலஸ்தானத்தை சுற்றும் போது அப்படியே எனர்ஜி சுற்றுபாதை கூட நாமும் சேர்ந்து சுற்ற அந்த எனர்ஜி அப்படியே உங்கள் உடம்பில் வந்து சேரும்.

Related image

8. இந்த எனர்ஜி நமது உடம்புக்கும், மனதிற்கும், மூளைக்கும் தேவையான ஒரு பாஸிட்டிவ் காஸ்மிக் எனர்ஜி.

9. மூலஸ்தானத்தில் ஒரு விளக்கு கண்டிப்பாய் தொடர்ந்து எரிந்து கொண்டிருக்கும் அது போக அந்த விக்கிரகத்திற்க்கு பின் ஒரு விளக்கு இருக்கும்.அதை சுற்றி கண்ணாடி ஒன்று இருக்கும்.

10. அது அந்த எனர்ஜியை அப்படி பவுன்ஸ் செய்யும் ஒரு டெக்னிக்கல் செயல்தான்.

11. அது போக மந்திரம் சொல்லும் போதும், மணியடிக்கும் போதும் அங்கே செய்யபடும் அபிஷேகம் அந்த எனர்ஜியை மென்மேலும் கூட்டி ஒரு கலவையாய் கொண்டு வரும் ஒரு அபரிதமான எனர்ஜி ஃபேக்டரிதான் மூலஸ்தானம் என்பது..

12. பூக்கள், கர்ப்பூரம் (பென்ஸாயின் கெமிக்கல்), துளசி (புனித பேஸில்), குங்குமப்பூ (சேஃப்ரான்),கிராம்பு (கிளவ்) இதை சேர்த்து அங்கு காப்பர் செம்பில் வைக்கபட்டு கொடுக்கும் தீர்த்தம் ஒரு ஆன்டிபயாட்டிக்.

13. இதை மூன்று தடவை கொடுக்கும் காரணம் ஒன்று உங்கள் தலையில் தெளித்து இந்த உடம்பை புண்ணியமாக்க, மீதி இரண்டு சொட்டு உங்கள் உடம்பை பரிசுத்தமாக்க.

14. இந்த தீர்த்தம் வாய் நாற்றம், பல் சுத்தம் மற்றும் இரத்ததை சுத்த படுத்தும் ஒரு அபரிதமான கலவை. கோயிலுக்கு முன்பெல்லாம் தினமும் சென்று வந்த மானிடர்களுக்கு எந்த வித நோயும் அண்டியது இல்லை என்பதற்கு இதுதான் காரணம்.

15. கோயிலுக்கு மேல் சட்டை அணிந்து வர வேண்டாம் என சில கோயில்களில் கூறுவதற்கும் இது தான் முக்கிய காரணம் அந்த எனர்ஜி, அப்படியே மார்பு கூட்டின் வழியே புகுந்து உங்கள் உடம்பில் சேரும் என்பது ஐதீகம்.

Related image

16. பெண்களுக்கு தாலி அணியும் காரணமும் இது தான்..............
நிறைய பெண்களுக்கு ஆண்களை போன்று இதய நோய் வராமல் இருக்கும் காரணம் இந்த தங்க மெட்டல் இதயத்தின் வெளியே நல்ல பாஸிட்டிவ் எனர்ஜியை வாங்கி உள்ளே உள்ள கொழுப்பை கூட கரைக்கும் சக்தி இருப்பதாக ஒரு கூடுதல் தகவல்.

17. பல மைல் தூரத்தில் இருந்து பயணம் செய்திருப்பினும், மூலவரின் தரிசனம் கிட்டும்போது, அந்த சில நொடிகளில் அந்த உடம்பில் ஏற்படும் ஒரு மென்மையான சிலிர்ப்பும், ஒரு வித நிம்மதியும் ஏற்படுகிறது என்றால் அதற்க்கு காரணம், கோயிலின் மூலஸ்தானம் மற்றும் அதில் உள்ள எனர்ஜி.

Image result for 1000 years old temple in tamilnadu

18. கோயிலின் கொடி மரத்திற்க்கும் மூலஸ்தானதிர்க்கும் ஒரு நேரடி வயர்லெஸ் தொடர்பு உண்டு. கோயில் மேல் இருக்கும் கலசம் சில சமயம் இரிடியமாக மாற இது தான் காரணம். கீழ் இருந்து கிளம்பும் மேக்னெட்டிக் வேவ்ஸ் மற்றும் இடியின் தாக்கம் தான் ஒரு சாதாரண கலசத்தையும் இரிடியமாக மாற்றும் திறன் படைத்தது.

19. அது போக பெரும்பாலும் கோயில் இடி தாக்கும் அபாயம் இல்லாமல் போன காரணம் கோயில் கோபுரத்தில் உள்ள இந்த கலசங்கள் ஒரு சிறந்த மின் கடத்தி ஆகும் ..

20. நல்ல மானிடர் இருவேளை கோயிலுக்கு சென்று வந்தால் மனிதனின் உடல் மட்டுமல்ல அவனின் மனதும் மூளையும் சுத்தமாகும்.

இவ்வளவு புனிதத்துவம் வாய்ந்த கோயில்களுக்கு குடும்பத்துடன் சென்று வர பழகுவோம்
குழந்தைகளையும் பழக்குவோம்.
அது அறிவியல் ஆகட்டும் ..எதுவாகட்டும் ....இறை சக்தி நம்மை காக்கட்டும் ...

நன்றி : மஹா  பெரியவா  முகநூல்  பக்கம்.
...கோவை  ஸ்ரீ  கடாக்ஷம் நரசிம்மர்   ஐயங்கார் 

Saturday, July 29, 2017

பஞ்சலோக சிலையின் அபிஷேக பலன்கள் :-

ஐம்பொன்னின் (பஞ்சலோகத்தின்) சூட்சம ரகசியங்கள் :


Image may contain: 3 people

(பஞ்சலோக சிலையின் ----- அபிஷேக  பலன்கள் )

Image may contain: 1 person

தங்கம், வெள்ளி, செம்பு, இரும்பு, ஈயம் போன்ற ஐந்து உலோகங்கள் கலந்த கலவையே *ஐம்பொன் அல்லது பஞ்சலோகம்* என்றழைக்கிறோம்.
பொதுவாக நம் நாட்டிலுள்ள மண்ணில் உலோக சத்துகள் குறைவாக கிடைப்பதால் பஞ்சலோக சிலைகள் செய்து அவற்றிக்கு அபிஷேகம் செய்து அவற்றின் பிரசாதத்தை உண்டு உடலுக்கு உலோக சக்தியை கொடுப்பார்கள்.
ஐந்து உலோகத்தின் விஞ்ஞான ரகசியம்.
இதை விஞ்ஞான ரீதியாக கண்டால் *வியாழ* கிரகத்தின் ஆற்றலை பெற தங்கத்தையும், *சனிகிரகத்தின்* ஆற்றலை பெற இரும்பையும், *சுக்கிர(வெள்ளி)கிரகத்தின்* ஆற்றலை பெற வெள்ளியையும், *சூரிய கிரகத்தின்* ஆற்றலை பெற செம்பையும், *கேது கிரக்கத்தின்* ஆற்றலை பெற ஈயத்தையும் மானிடர்கள் தங்கள் அணிகலன்களாக அணிந்துகொள்கின்றனர்.
நவகிரகங்களின் கதிர்வீச்சு மனிதனின் சுபாவத்தையும் அவன் நிலைமையும் தீர்மானிக்கிறது என்பதை நாம் *ஜோதிடம்* என்ற விஞ்ஞானத்தை கொண்டு அறிவோம்_
இந்த உலோகங்களால் ஆன அணிகலனை மோதிரமாகவோ, காப்பாகவோ, தண்டையாகவோ அணிந்தால் அந்தந்த கிரகத்தின் ஆற்றலை பெறலாம்.
*ஐந்து உலோகங்களின் சூட்சம ரகசியம்*
இந்த ஐந்து உலோகங்களின் மருத்துவ தன்மை நாம் அறிந்திருப்பதால் அவற்றின் சூட்சமத்தை மட்டும் இங்கு காண்போம்_
*தங்கம்*
தங்கம் என்ற இந்த உலோகத்தை அணிவதால் மனிதனின் எண்ணங்களை பிரபஞ்சத்திற்க்கு அனுப்பமுடியும்.
அதாவது அக்காலத்தில் மக்கள் தங்கம் அணிந்து கொண்டு கோவிலுக்கு சென்று தனது விருப்பங்களை கடவுளிடம் தெரிவிப்பார்கள்.
கடவுள் சிலைகளுக்கு தங்க நகைகள் போடுவது இதனால் தான், இதுவும் ஒரு விஞ்ஞான முறை.
இதை தந்தரா யோகத்தில் கடவுள் சிலைகள் பிரபஞ்சத்தின் நுழைவு வாயில் என்பார்கள் உங்கள் எண்ணங்கள் அங்கு வைக்கும் போது உடனே பிரபஞ்ச சக்தியிடம்(கடவுளிடம்) அனுப்பபடும்.
*வெள்ளி*
வெள்ளியையும் எண்ண அலைகளை அனுப்ப பயன்படுத்தினார்கள்.ஆனால் அது அதிகம் இல்லை ஏனெனில் இதன் *அலைவீச்சு தங்கத்தை விட குறைவாக உள்ளது.* இதற்க்கு மானிடர்களின் உணர்ச்சிஅலைகளை கட்டுபடுத்தும் ஆற்றல் உண்டு என்பது *சூட்சமம்*.
*செம்பு*
செம்பு உலோகத்தை பற்றி கூறினால் ஒரு புத்தகமே போடலாம்.இருப்பினும் இதன் சூட்சமம் மூலாதாரத்தில் உள்ள குண்டலினி சக்தியை *விழிப்புடன்* வைக்க உதவுகிறது.கவனிக்க குண்டலினியை மேலே கொண்டு வராது.
இதன் மிதமான உஷ்ணத்தன்மை உயிருக்கு ஆற்றலை அளிக்க கூடியது,
மனித உடலை சுற்றியுள்ள பிராண மண்டலத்தை பலபடுத்தும்,
மூளையின் செயல் திறன் அதிகமாகும்.
*இரும்பு*
இந்த உலோகம் பெரும்பாலும் எதிர்மறை சக்தி கொண்டது தான்.இருப்பினும் இதை அக்காலத்தில் எப்படி நல்ல காரியத்திற்க்கு பயன்படுத்தினார்கள் என்றால் வெளியே செல்லும் ஒரு பெண்ணை எதிர்மறை சக்திகள்(பேய்கள்) நெருங்காமல் இருக்க இந்த இரும்பு துண்டுகளை எடுத்து செல்ல சொல்லுவார்கள்.ஆனால் இது கால போக்கில் வழக்கொழிந்து விட்டது சில இடங்களில் இப்போதும் பெரியவர்கள் கூறுவார்கள்.
*இதன் சூட்சம ரகசியம்*
“இடி இடிக்கும்போது இரும்பை முற்றத்தில் வை” என்ற பழமொழி உள்ளது.இதன் அர்த்தம் என்னவெனில் இடிமின்னல் வரும்போது இரும்பை முற்றத்தில் வைத்தால் *இரும்பில் உள்ள காந்த சக்தி அந்த மின்காந்த ஆற்றல்களை தன்பால் ஈர்த்து கொள்ளும்*.
குறிபிட்ட இந்த இரும்பை, வைத்து கொண்டால் தான் நன்மைகள் கிடைக்கும். ஆனால், சிலர் கிராமத்தில், சாதரணமான இரும்பை தான் வெளியே எடுத்து செல்கிறார்கள்.ஆனால் நாம் இங்கு மற்ற உலோகத்தோடு கலப்பதால் நன்மையே பயக்கும்.
*ஈயம்*
இது உடலுக்கு மிகவும் ஆபத்தான உலோகம் என்று எல்லோராலும் சொல்லபடுகிறது. இதன் நன்மை என்னவெனில் ஐம்பொன்னில் மற்ற உலோகத்தோடு இருப்பதால் ஆபத்து இல்லை,இதன் கதிர்வீச்சு மனிதனின் ஆன்மீக சிந்தனையை தூண்டுவிதமாக அமைகிறது.மனிதனின் உயிர்சக்தியை விரயம் ஆகாமல் செய்யும் வண்ணம் இது காக்கிறது.
இப்படி ஐம்பொன்னும் சேர்ந்து மனிதனுக்கு நன்மையளிக்கும் என்பதை தமிழர்களும், சித்தர்களும் கண்டுபிடித்தனர் மேலும் அதை ஆபரணமாக அணியவும் செய்தனர்.இது தமிழர்களின் விஞ்ஞான முறைகளில் ஒன்று தான்.
இங்கு மிக முக்கியமான விசயம் என்னவென்றால் இந்த பஞ்சலோகத்தில் சூரிய ஒளிபட்டால் இதன் சக்தி அளப்பரியது.ஆக இதை காப்பாகவோ,மோதிரமாகவோ அணிந்து இதன் பயனைபெறவும்.
*இதன் விலையும் மலிவாக தான் உள்ளது*.
இந்த பஞ்சலோகத்தால் ஆன பழைய சிலைகளை கடத்தி பல கோடி ரூபாய் கணக்கில் விற்கிறார்கள் என்றால் அதில் விசயம் இல்லாமல் இல்லை.
அது பற்றிய முழு தகவல்கள் இன்னும் சரியாக கிடைக்கவில்லை.
எப்படி இருப்பினும் இந்த பஞ்சலோகத்தால் நன்மை அதிகம் என்பது திண்ணம்.

நன்றி : படங்கள் : ரத்னா  மெட்டல்  மார்ட் ,
ஸ்ரீ  சக்ரா  பஞ்சலோக  சிற்பங்கள்.

Thursday, July 27, 2017

நம் முன்னோர்கள் ஒன்றும் மூடர்கள் அல்ல..!


நம் முன்னோர்கள் ஒன்றும் மூடர்கள் அல்ல..!
      அந்நாட்களில் வீட்டு சுவர்களில் ஏன் வறட்டி காய வைக்க வேண்டும் ? இந்தப் பழக்கம் ஏன் வழக்கமானது?
       ஒவ்வொரு பதினைந்து நாட்களுக்கு ஒருமுறை வீட்டுச்சுவரின் வெளிப்புறத்தில் வறட்டி காய வைக்கும் பழக்கும் தமிழகம் முழுவதும் கிராமப்புறங்களில் காணப்பட்டதை நாம் அறிவோம். அது ஏன்?
          அதற்கு முக்கிய காரணம், வறட்டிகளால் சூழப்பட்ட சுவர்கள் வெளியில் எந்த தட்பவெப்ப நிலை இருந்தாலும் சரியாக 28.35°C வெப்பநிலையை வீட்டிற்குள் வழங்கும். இந்த விஞ்ஞான உண்மை உங்களை திகைக்க வைக்கலாம்.! மேலும் படியுங்கள்.
         அப்போதெல்லாம் தடுப்பூசியோ மருந்து மாத்திரையோ தமிழகத்தில் இல்லை. காரணம் பசு வறட்டியில் உள்ளது. நாட்டு மாடுகளின் A2 சாணம் என்பது ஒரு மிகச்சிறந்த கிருமி நாசினி என்பது அறிவியல்.
          18 மாதங்கள் நிரம்பிய ஒவ்வொரு பசுவின் சாணமும் ஆயிரம் தடுப்பூசிக்கு சமம். அப்படியான சாணத்தை தனித்தனியாக ஒவ்வொருவர் முகத்திலும் தனித்தனியாக அடிக்க முடியாது என்பதால் வீட்டுச்சுவற்றில் அடித்து வந்தனர். 
         இதன் மூலம் முழுமையாக சுத்திகரிக்கப்பட்ட ஒரு Safe Zone-ல் நம் தாத்தா பாட்டி காலம் வரை வாழ்ந்தார்கள் என்றால் நம்ப முடிகிறதா?
           அதுபோல, வளி மண்டலத்தில் இருந்து வரும் புற ஊதா கதிர்கள் மற்றும் காஸ்மிக் கதிர்கள் இந்த நன்கு காய்ந்த வறட்டியில் படும்போது, மின்காந்த சக்தி உந்தப்பட்டு அந்த வீடே அணுக்கதிர்கள் கூட துளைக்க முடியாத ஒரு எஃகு அரணாக மாறிப்போகும். ஆனால் இதன் பலன் 15 நாட்களுக்கு மட்டுமே. இதனாலேயே சோழர்களின் கோட்டையை ஆங்கிலேயர்களால் வீழ்த்த முடியவில்லை என்பது தனிக்கதை.
             மேலு‌ம், இம்மாதிரியான வறட்டி தட்டும் பழக்கம் கைகள் மூலமாக உடலில் ஏற்படும் கெட்ட கொழுப்புகளை அகற்றி சர்க்கரை நோயை கட்டுக்குள் இருக்க வைத்தது. சுற்றிலும் வறட்டிகளை கொண்ட வீடுகளில் 48 நாட்கள் புழங்கி வந்தால் அலர்ஜி, கேன்சர், இருதய கோளாறு போன்றவை சரியாகும் என சித்தர்கள் தெரிவித்துள்ளனர்.
           மேலைநாட்டினர் அவற்றின் மகிமையைப் புரிந்துக்கொண்டு தான் தற்போது வறட்டியை அதிக அளவில் தங்கள் வீடுகளில் சேமித்து வைக்கின்றனர்.
           வறட்டி தயாரிக்கும் முறைக்கு காப்புரிமையும் பெற்றுள்ளனர். ஆனால் நாமோ, பகுத்தறிவு என்று நாம் நமது முன்னோரின் சம்பிரதாயங்களில் இருக்கும் விஞ்ஞான அறிவைப் புரிந்துகொள்ளாமல்
கேலிசெய்து கேவலப்படுத்துகிறோம் .
            நம் முன்னோர் ஒன்றும் முட்டாள்கள் இல்லை..!
           இப்போது நாம் பேசும் பகுத்தறிவு அவர்களின் கால் தூசுக்கு ஈடாகாது..!
              நம் முன்னோரின் பழக்கவழக்கங்களை நம்மால் நடைமுறைப்படுத்த முடியாவிட்டாலும் பரவாயில்லை...
அவற்றைக் கேலி செய்யாமல் இருந்தாலே போதும்..!
நன்றி :   திரு.பாலா  வித்யா  குருக்கள்.

Monday, July 24, 2017

☆ ஸ்ரீ தச மஹாவித்யா தேவியர் ☆


தஸ மஹாவித்யா : - 

படம் இதைக் கொண்டிருக்கலாம்: 3 பேர்

☆ ஸ்ரீ தச மஹாவித்யா தேவியர் ☆
Related image
சிவபெருமானை அழைக்காமல் தட்சன் யாகம் நடத்தினார் ,
அவரிடம் நியாயம் கேட்க
யாகம் நடக்கும் இடத்திற்கு செல்ல தாட்சாயணி அனுமதி கேட்டாள்.

அழையாத விருந்தாளியாக
தன் மனைவி தாட்சாயணி சென்று அவமானப்பட்டு திரும்பக் கூடாது என்று எண்ணியதால் சிவபெருமான் அனுமதி தரமறுத்தார்...

இதனால் கோபம் கொண்ட தாட்சாயணி காளியாக மாறினார்.

கருமை நிற மேனியும் கோபம் கொண்ட விழிகளுடன்,
மண்டை ஓடுகளை மாலையாக கொண்டு இடி போல் பயங்கரமாக ஆர்ப்பரித்து சிரிக்கவே சிவபெருமான் எல்லாத் திசைகளிலும் ஓடினார்.

சிவபெருமான் திரும்பிய பத்து திசைகளிலும் திசைகளுக்கு ஒருவராக தோன்றிய தேவியின் மாறுபட்ட பத்து விதமான பயங்கர தோற்றத்தைக் கண்டார்.

இந்த பத்து தேவியர்களின் தோற்றமே தசமஹாவித்யா ஆகும்.
* சிவனின் நேரெதிரில் தேவி
எடுத்த முதல் தோற்றம்.,
காளி.!
* சிவனின் மேல் திசையில்
தாரா தேவி.!
* சிவனின் வலது திசையில்
சின்னமஸ்தா தேவி.!
* சிவனின் இடது திசையில்
புவனேஸ்வரி தேவி.!
* சிவனின் பின் திசையில்
பகளாமுகி தேவி.!
*.சிவனின் கீழ் திசையில்
திரிபுரபைரவி தேவி.!
* சிவனின் தென்கிழக்கு திசையில்
தூமாவதி தேவி.!
*சிவனின் தென்மேற்கு திசையில்
திரிபுரசுந்தரி தேவி.!
* சிவனின் வடமேற்கு திசையில்
மாதங்கி தேவி.!
* சிவனின் வடகிழக்கு திசையில்
கமலாத்மிகா தேவி.!
இப்படியாக பத்துவிதமான தேவியர்களின் பயங்கரமான தோற்றங்களைக் கண்ட சிவபெருமான் வேறு வழியின்றி தாட்சாயணி விருப்பத்தைப் பூர்த்தி செய்வதற்காக தட்சனின்
யாகத்தில் கலந்து கொள்ள அனுமதி அளித்தார்.
தட்சன் தனது ஆணவச் செருக்கால் யாகசாலையில் கூடியிருந்த அனைவரின் முன்பும் சிவபெருமானின் மகிமையை அறியாமல் அவரது புறத்தோற்றத்தை இழிவாக
கூறி தாட்சாயணியை  அவமதித்தான்.
கணவனின் மனப்பூர்வமான சம்மதமின்றி வந்ததோடு தேவலோகமே கூடியிருந்த யாகசாலையில் தன்னால் தன் பதியான சிவனுக்கு ஏற்பட்ட அவமானத்தைக் கண்ட தாட்சாயணி மிகவும் மனம் வருந்தினாள்.
தந்தை தட்சனால் தான் பெற்ற இந்த உடலை அழிக்க எண்ணி தனது சக்தியினை கொண்டு அக்னி எழுப்பி அதில் புகுந்து தனது உயிரை மாய்த்தாள் லோகமாதா.
இதைக் கேள்வியுற்ற
சிவபெருமான் வீரபத்திரரைத் தோற்றுவித்து தட்சன் யாகத்தை அழிக்கச் செய்தார்.
வீரபத்திரருடன் தச மஹாவித்யா தேவியரும் யாகசாலை சென்று அழித்தனர்.
சிவபெருமான் யாகசாலை வந்து நெருப்பில் தன்னை மாய்த்துக் கொண்ட தன் அன்பு மனைவி தாட்சாயணி உடலைப் பிரிய மனமின்றி தன் தோளில் போட்டுக் கொண்டு "ருத்ரதாண்டவம்" ஆடினார்.
ருத்ரமூர்த்தியின் கோபத்தினால் ஏற்படப் போகும் பெரும் ஆபத்தில் இருந்து இந்த உலகத்தைக் காப்பாற்ற காக்கும் கடவுளான "மஹாவிஷ்ணு"
சக்ராயுதத்தால் அம்பிகையின் உடலை 51 துண்டுகளாகத் துண்டித்து அவைகளை பூலோகத்தில் 51 இடங்களில்
விழச் செய்தார்.
தேவியின் அங்கங்கள் விழுந்த
51 இடங்களும் சக்தி வாய்ந்த பீடங்களாகவும் புண்ணிய க்ஷேத்ரங்களாகவும் ஆயின.
பைரவர் வீரபத்திரர் காவலுடன் அம்பிகையின் கோவில்கள் "51 சக்திபீடங்கள்" தோன்றன.
"தச மஹாவித்யா" தேவியர் தோற்றத்தில் ஆரம்பமாகிய
தட்சன் யாகம் " 51 சக்திபீடங்கள் "
தோன்ற காரணமாகி முடிவடைந்தது.

தச மஹாவித்யா என்னும் பத்துவிதமான சக்திகள் இந்த பிரபஞ்சத்தின் அனைத்து விதமான செயலுக்கும் மூலகாரணமாக விளங்குகிறது.

ஓர் மஹாசக்தி தனது நிலையில் பத்துவிதமாக பிரிவடைவதை அறியும் நுட்பமே தசமஹாவித்யா. 

         நமது ஆணவம் இந்த சக்திகளை உணராத வண்ணம் நம்மை இருளில் வைத்திருக்கிறது. ஆணவம் அற்ற நிலையில் மஹாசக்திகளை முழுமையாக உணரமுடியும். நடைமுறையில் தசமஹாவித்யா தவறான பாதையில் கையாளப்படுகிறது. செல்வம் – அஷ்டமாசித்திகள் என கீழ்த்தரமான நோக்கத்திற்காக இந்த மஹாவித்யா பயன்படுத்தப்படுகிறது.

ஓர் ஊரில் மாபெரும் ஞானி ஒருவர் வாழ்ந்து வந்தார். தினமும் அவரிடம் பலர் அறிவுரை கேட்டு வருவதுண்டு. சமீபகாலமாக ஊரில் அடிக்கடி பல லட்சம் மதிப்புள்ள நகைகள் திருடுபோனதால் இதன் காரணம் என்ன என மக்கள் ஞானியிடம் கேட்டனர். அகந்தை அதிகமாவதால் செல்வம் அதிகமாக சேர்த்து மக்கள் மாயையில் மூழ்கி இருப்பதை உணர்ந்த ஞானி, அவர்களுக்கு எளியமுறையில் விளக்கம் கொடுக்க எண்ணினார். எல்லா செயலுக்கும் “நானே” காரணம் என்றார். ‘நான்’ என்ற எண்ணமே ஆணவத்தின் அடையாளம் என பொருள்பட ஞானி கூறினாலும், மக்கள் அறியாமையில் இருந்ததால் திருட்டு அனைத்துக்கும் தான் மட்டுமே காரணம் என கூறுவதாக எண்ணி அவரை அடித்து கொன்றனர். இந்த கதையை கூற காரணம் தசமஹாவித்யா சரியான முறையில் போதிக்கப்பட்டாலும், அதை பயன்படுத்துபவர்கள் அற்ப விஷயத்திற்காக பயன்படுத்துகிறார்கள். மாபெரும் சக்தி வாய்ந்த யானையை மனிதன் கட்டுப்படுத்தி, கடைவீதியில் சில்லறை காசு வாங்க வைக்கும் சமூகத்தில் மஹாவித்யாவை கற்று மேல்நிலையில் பயன்படுத்துவார்கள் என எதிர்பார்ப்பது முட்டாள்தனமே.

தசமஹாவித்யா அனைத்து இடங்களிலும் இருப்பதாக கூறினேன். அதுசுவை [நவரசம்], உணர்வுகள், நவகிரகங்கள் என அனைத்து பொருளின் இயங்கு சக்தியாக இருப்பது மஹாசக்தியே. அத்தகைய மஹாசக்திகளை எளிய முறையில் தெரிந்து கொள்ளலாம்.

1. மாதங்கி: என்றும் உயர்நிலையில் இருப்பவள். அனைத்து  நன்மைகளையும்  தனது  பக்தர்களுக்கு  அருள்பவள். அனைத்து  நல்ல விஷயங்களையும்  ஆகர்ஷித்து  தருபவள். மீனாட்சி யின்  அம்சம்.  ஸ்ரீ ராஜ சியாமளா  என்றும்  அழைக்கப்படுபவள். கிளியை  கைகளில்  தங்கியிருப்பாள். நன்மைகள்  அனைத்தின்  இருப்பிடம். இவளின்  மந்திர ஜபம் ......அனைத்தையும்  ஆகர்ஷிக்கும்  வல்லமையை  தரும். ஆன்ம சாதகர்களுக்கு  அளவிடா  ஆர்வத்தை  சாதனைகளில்  அளித்து  மேலும், மேலும்  அவர்களை  அன்னை  லலிதாம்பிகையிடம்  அன்புப்  பிணைப்பினில்  வைத்திருப்பாள்.

2. புவனேஸ்வரி: மென்மையான இதழ் உடையவள். பூமியை காப்பாற்றும் நாயகி. மனதில் ஏற்படும் எண்ணங்களுக்கு காரணமானவள். அழகும், சுந்தரவதனமும் நிறைந்தவள். ' ஹ்ரீம் ' என்ற  மந்திர  பீஜத்திற்கு  உரியவள். அனாஹத  சக்கரத்திற்கு  உரியவள்.

3. பகுளாமுகி: பயங்கர ஆயுதங்களை தாங்கியவள். முட்கள் நிறைந்த கதாயுதம் இவளின் பிரதான ஆயுதம். எதிர்பாராத நிலையில் அசுரர்களை கதாயுதத்தால் தாக்குபவள். வேகமான பயணத்தால் எதிரிகளின் குழப்பத்திற்கு காரணமானவள். முக்கியமாக  எதிரிகளின்  நாக்கினை  இழுத்து கதையால்  அடித்து  சிதைப்பவள். ' வாக்  ஸ்தம்பனம் ' எதிரியிடத்து  ஏற்படுத்துவாள்.

4. திரிபுரசுந்தரி: பதினாறு வயது கன்னிகையின் உருவைகொண்டவள். புதிய சிந்தனை மற்றும் புதிய கோட்பாடுகளின் மொத்த உருவம், என்றும் பிறருக்கு நுட்பமான ஞானத்தை வழங்குபவள். சிவனின் உடலில் அமர்ந்து தியானிக்கும் உருவம் இவளுடையது.

5. தாரா: நட்சத்திரத்தை போல ஒளி வீசுபவள். தனது மஹாசக்தியை உள்ளே வைத்து எளிமையாக காட்சியளிப்பவள்.

6. கமலாத்மிகா: தாமரையில் உறைபவள் என பொருள். அனைத்து சக்தியின் கிரியா சக்தியாக திகழ்பவள். அழகும், செல்வமும் நிறைந்தவள். இவளின் வடிவத்தையே லக்ஷ்மியாக வணங்குகிறோம். வெள்ளை யானை சூழ வலம் வரும் நாயகி கமலாத்மிகா.

7. காளி: கரிய நீல நிறம் கொண்டவள். வேதத்தில் அதர்வன வேதத்தை குறிப்பவள். மயானத்தில் உறைபவள். வெட்டுண்ட உடல்களை ஆடையாக அணிபவள். அடிமேல் அடி எடுத்து மிக மெதுவாகவும், ஆக்ரோஷமாகவும் நகர்பவள். சிவனை பாதத்திற்கு அடியில் வைத்திருக்கும் குரூரமான அமைப்பு காளியின் உருவம்.

8. சின்னமஸ்தா: தலையற்ற உடலுடையவள். தலை கழுத்து பகுதியில் இருந்து வரும் ரத்தத்தை தனது கைகளில் உள்ள பாத்திரத்தில் பிடிக்கும் உருவம் இவளுடையது. ஆண் – பெண் உடலின் மேல் நர்த்தனம் ஆடும் நிலையில் காட்சி அளிப்பவள்.

9. தூமாவதி: கைகளில் முறத்துடன் விதவை கோலத்தில் அமர்ந்திருப்பவள். வெள்ளை நிற ஆடையும், நகைகள் இல்லாத விரிந்த தலையும் கொண்டவள். கையில் புகை கக்கும் பாத்திரம் உடையவள். கொடுமையான மற்றும் தொற்றும் நோய்களுக்கு காரணமானவள். தனது  பக்தர்களுக்கு  தீங்கு  விளைவிப்போருக்கு  சகல  துரதிஷ்ட்டத்தையும்  , கொடிய  நோய்களையும்  ஏற்படுத்துவாள்.

10. திரிபுரபைரவி: பைரவி என எல்லோராலும் அழைக்கப்படுபவள். கழுதையின் மேல் அமர்ந்து குரூரமாக காட்சியளிப்பவள். கருநீல நிறத்தில் உடலும், பெரிய போர்வாள் கைகளிலும் கொண்டவள். முகத்தில் அழகும் உடலில் ஆவேசமும் கொண்ட வித்யாசமான உருவ அமைப்பு கொண்டவள்.

தசமஹாவித்யாவில் ஒவ்வொரு சக்தியின் உருவங்கள் விளக்கப்பட்டாலும் நிதர்சனத்தில் இவர்களுக்கு உரு கிடையாது. அவர்களின் செயல்களை விளக்கவே உருவம் கொடுக்கப்பட்டுள்ளது.

நவராத்திரியில் ஒவ்வொரு நாளும் ஒரு சக்திக்கு உரியதாக கொண்டாடப்படுகிறது. மாஹளய அமாவாசை துவங்கி பத்து நாட்களுக்கு விஜயதசமி வரை இவர்களே வணங்கப் படுகிறார்கள். வசந்த காலத்தை வரவேற்க நவராத்திரி கொண்டாடப்படுவதுண்டு. உண்மையில் இந்த மஹாசக்திகள் நம்முள் தியானிக்கபட்டால் ஒவ்வொரு நாளும் வசந்தகாலம் தானே?

உலகில் அனைத்து உருவாக்கத்திலும் மஹாசக்தியின் அம்சம் உண்டு. மஹாசக்தியை யந்திரத்தில் ஆவாகனம் செய்து மந்திரத்தால் அழைத்தால் அவர்களின் சக்தியை வெளிப்படுத்துவாள். மஹாசக்தியின் வரிசை அமைவுகள் தந்த்ர சாஸ்திரத்தில் ஒன்றுபோலவும் தேவி மஹாத்மியத்தில் வேறு அமைப்பிலும் கொடுக்கப்பட்டுள்ளது. இங்கு நவகிரகத்தின் அடிப்படையில் வரிசைப்படுத்தியுள்ளேன்.


தானியங்கு மாற்று உரை இல்லை.

மஹாசக்திகளின் தொடர்புகொண்ட விஷயங்கள் கீழே தொகுக்கப்பட்டுள்ளன. வேதசாஸ்திரம், தந்த்ரசாஸ்திரம், தேவிபாகவதம், தேவிமஹாத்மியம் மற்றும் லலிதாசஹஸ்ரநாமம் போன்ற நூல்களில் கொடுக்கப்பட்டதன் எளியவடிவமே இது.

தசாவதாரம் கூட இவளின் சக்தியாலேயே இயங்குகிறது. மஹாவித்யை குறிக்கும் பொருட்களை இது போல வரிசைப்படுத்திக் கொண்டே செல்லலாம். இந்த நவதானியங்களில் அரிசி, கோதுமை தவிர கடலை மற்றும் பருப்பு வகைகளிலும் ஒன்பது வகை உண்டு. நவராத்திரி நாளில் ஒன்பது வித்யா வாசினிகளை வழிபட்டு அவர்களுக்கு உண்டான தானியத்தை படையாலாக உட்கொள்ளும் வழக்கம் நம் சம்பிரதாயத்தில் ஒன்று. நவகன்னிகைகளை அழைத்து அவர்களின் மேல் மஹாசக்திகளை ஆவாஹனம் செய்து வழிபடும் முறையும் சாஸ்திரத்தில் கூறப்பட்டுள்ளது.

இந்தியாவில் தசமஹாவித்யாவிற்கு தனித்தனி கோவில்கள் உண்டு. ஆதிசங்கராச்சாரியார் இதைதொடர்புகொண்டு புதிப்பித்தார் என்பது வரலாறு. ஹரித்துவாருக்கு அருகில் ‘கன்கல்’ என்ற ஊரில் இருக்கும் ஆலயத்தில் தசமஹாவித்யா அனைத்தும் யந்திரங்களுடனும் மந்திரங்களுடனும் ஸ்தாபிக்கபட்டுள்ளது.

லலிதா சகஸ்ரநாமத்தில் ஸ்ரீசக்ரத்தில் அமைந்திருக்கும் மஹாசக்தியையும், மற்ற தசமஹாவித்யாக்களையும் தெரிந்து கொள்ளலாம். முறையான தீட்சை மூலம் தசமஹாவித்யா உபாசனை செய்யும் பொழுது நமது பிறவியின் நோக்கம் கைகூடும். தீட்சை பெறும் வரையில் வெளியே மஹாசக்திகளை தேடாமல் உங்கள் உள்ளே பத்து வித சக்திகளாக இருப்பவளை தியானியுங்கள். அவளே குருவாக வந்து தீட்சை தருவாள்.



தானியங்கு மாற்று உரை இல்லை.

நன்றி :  ஸ்ரீ  வித்யா  பாலா  குருக்கள்.