மஹா பெரியவாளின்  உபதேசங்கள் 2: 



மறுபிறவி 

    இந்த  சரீரம்  போனால்  இன்னொரு  சரீரம்  வரக்கூடாது.  அப்படிச்  செய்து கொள்ளவேண்டும். கட்டுப்பாடு , ஒழுங்கு , பரமகருணை , தபஸ் , பூஜை , யங்ஞம், தானம் , தர்மம் , சேவை  எல்லாம்  அதற்குத் தான் .

    இந்த  ஜன்மா  முடிகிறபோது  " அப்பாடா !   பிறவி  எடுத்ததின்  பலனை  அடைந்துவிட்டோம் , இனி  பயமில்லாமல்  போய்ச்சேரலாம் "  என்ற  உறுதியும்,  திருப்தியும்  பெறுகிற  அளவுக்கு  நல்ல  மார்க்கத்தில்  நாம்  செல்லவேண்டும் .

     காமம் ( ஆசை ), கோபம்  என்று  இருக்கிற  வரைக்கும் உடம்பு  (மறுபிறப்பு ) வந்துகொண்டே தான்  இருக்கும். ஆகவே  உடம்பு  கூடாது  என்றால்  காமம், கோபம்  எல்லாம்  போகவேண்டும்.

    நாம்  பண்ணுகிற  பாவம்  தான்  உடம்புக்கு  ( பிறப்புக்கு )  காரணம் .  இனிமேல்   பாவம்  பண்ணாமல்  இருந்தால்  உடம்பு  வராது.

  " பாவம்  பண்ணக்கூடாது "  என்ற  நினைப்பு  தினமும்  இருக்கவேண்டும்.

    நம்முடைய  கர்மா , ஜன்மா  எல்லாவற்றுக்கும்  காரணம்  மனசின்  சேஷ்டை தான் . இந்த  மனசை  வைத்துக்கொண்டு,  அதனுடைய  இச்சைகளை  பூர்த்தி பண்ணப்   பாடுபடுவதில்தான்  பாவங்கள்  சம்பவிக்கின்றன. ஜன்மாக்கள்  ஏற்படுகின்றன.

   மனசை  நிறுத்திவிட்டால்  கர்மா   இல்லை,  ஜன்மா  இல்லை ,  பிறகு  மோட்ஷம்  தான்.

   " ஒருஜன்மாவில்  இவன் பண்ணின  பாவங்களை  இன்னொரு  ஜன்மாவிலாவது  தீர்த்துக்கொள்ளட்டும் "  என்கிற  மகா  கருணையில் தான்  ஈஸ்வரன்  மறுபடி  ஜன்மா  தருகிறார்.